İqtisadiyyat Nazirliyi yanında Dövlət Vergi Xidməti (DVX) Bakı şəhərində iaşə və pərakəndə ticarət fəaliyyəti ilə məşğul olan daha 90 vergi ödəyicisinə maliyyə sanksiyaları tətbiq edib.
Bu barədə Dövlət Vergi Xidməti məlumat yayıb.
Məlumata görə, pərakəndə ticarət və iaşə obyektlərində nağdsız ödənişlərin kartdan-karta köçürülməklə həyata keçirilməsi hallarının qarşısının alınması məqsədilə nəzarət tədbirlərini davam etdirilir. Son günlər ərzində Bakı şəhərində keçirilmiş nəzarət tədbirləri zamanı 90-dan çox belə obyektdə qanun pozuntularına yol verilməsi faktları aşkarlanıb. Qanun pozuntuları protokollaşdırılıb və müvafiq maliyyə sanksiyaları tətbiq olunub.
"Nağdsız ödənişlərin qəbulu yalnız POS-terminal vasitəsilə həyata keçirilməli və bu zaman vətəndaşlara POS-terminalın qəbzi ilə yanaşı nəzarət-kassa aparatının çeki də təqdim olunmalıdır", - DVX xatırladıb.
Qeyd edək ki, oktyabrın 31-də yayılan rəsmi məlumata görə, İqtisadiyyat Nazirliyi yanında Dövlət Vergi Xidməti Bakı şəhərində iaşə və pərakəndə ticarət fəaliyyəti ilə məşğul olan 70 vergi ödəyicisinə maliyyə sanksiyaları tətbiq edib.
"Kartdan karta" görə rəsmi XƏBƏRDARLIQ - 6000 manat cərimə
POS-terminalların qeydiyyatı ilə bağlı bir sıra proseslər sadələşdirilib
Tibbi fəaliyyətlə məşğul olan bu şəxslər cərimələnəcək
Dövlət Vergi Xidməti bu şəxslərə XƏBƏRDARLIQ ETDİ
Azərbaycanda ilk dəfə vergi ombudsmanı təyin edildi