""Telegram" messenceri video platforma olmaq yolunda ilk addımı atdı".
Bu barədə bu messencerin təsisçisi, sahibkar Pavel Durov öz "Telegram" kanalında yazıb.
Biznesmenin sözlərinə görə, indiyədək "Telegram"da müxtəlif çat və kanallarda videolar dərc edildiyi formatda nümayiş etdirilirdi. Bu səbəbdən istifadəçilər telefonlarına gigabaytlarla məlumat endirilməsini və videoların tam yüklənməsini gözləmək məcburiyyətində qalıblar. Bununla yanaşı, messencerin təsisçisi vurğulayıb ki, hətta qısa yazılara baxanda belə problemlər yaranıb.
"Bugünkü yeniləmə ilə "Telegram" serverləri populyar videoları bir neçə keyfiyyət variantına sıxışdıracaq və onları yayım üçün optimallaşdıracaq", - Durov qeyd edib.
O, vurğulayıb ki, bu yenilik sayəsində messencer konkret videonu hansı keyfiyyətdə oynatmağı avtomatik seçməyə başlayacaq. Bu prosesdə hər bir fərdi istifadəçinin cihazında İnternet bağlantısının sürəti əsas rol oynayacaq.
Qeyd edək ki, oktyabrın 8-də Durov "Telegram"da yeni funksiyaların görünəcəyini açıqlayıb. Buraya nəşrlərin redaktə vaxtına baxmaq və zəruri hallarda ilkin mesaj göndərildikdən sonra media faylları göndərmək imkanı daxildir.
"Telegram" bu funksiyaları ləğv etdi
"Telegram"dan möhtəşəm YENİLİK: onu sata da bilərsiniz
“Telegram”a “böyük köç”: Son 72 saat ərzində 25 milyon yeni qeydiyyat
Durov Fransanın tələbinə BOYUN ƏYDİ - Təhlükəli proses başladıldı
“Apple”dan “Telegram”ın tətbiq mağazasından çıxarılması tələb edildi