Dövlət Dumasının deputatları Rusiyada qanunsuz miqrasiyanın təşkili nəticəsində əldə edilmiş pul, əmlak və qiymətli əşyaların müsadirəsini nəzərdə tutan qanun qəbul ediblər.
Bu barədə ölkə parlamentin aşağı palatasının sədri Vyaçeslav Volodin məlumat verib.
“Rusiya Federasiyası Cinayət Məcəlləsinin 104.1-ci maddəsinə əlavələr və 322.1-ci “Qeyri-qanuni miqrasiyanın təşkili” maddəsi ilə əlavələr edən qanun qəbul edilib”, – Volodin Teleqram kanalında yazıb.
O, Daxili İşlər Nazirliyinin məlumatlarına istinadən qeyd edib ki, son bir ildə miqrasiya sahəsində cinayətlərin sayı 79,6 faiz, bu ilin yeddi ayında isə 2023-cü ilin müvafiq dövrü ilə müqayisədə 2,8 dəfə artıb.
"Qəbul edilmiş qərarda qeyri-qanuni miqrasiyanın təşkili nəticəsində əldə edilmiş pulların, əmlakın və qiymətli əşyaların müsadirə edilməli olduğu müəyyən edilib", - Volodin bildirib.
O əlavə edib ki, bu təşəbbüs ilin əvvəlindən Rusiyanın miqrasiya siyasətinin təkmilləşdirilməsinə yönəlmiş bütün qanun layihələrinin 12-cisidir.
Qeyd edək ki, Rusiyada 3 milyona yaxın azərbaycanlı yaşayır. Həmin şəxslərin çox hissəsi isə işləmək üçün bu ölkəyə üz tutub.
Azərbaycan, Ermənistan və Rusiya parlament formatında görüşə bilər
Rusiyada bu azərbaycanlılara EVLƏNMƏK QADAĞAN EDİLDİ
Ermənistan parlamentinin sədri Rusiyaya getdi
Paşinyanın Rusiyaya səfəri başlayıb
Daşınmaz əmlakın qeydiyyatı prosedurları sadələşdirilir: Rəsmiləşdirmələrin sayı kəskin artıb