Rusiya prezidenti Vladimir Putin 2008-ci ildə Buxarestdə keçirilən Rusiya-NATO sammiti zamanı Amerika lideri Corc Buşla təkbətək söhbətində Ukraynanın real ölkə olmadığını iddia edib.
Bunu ABŞ-ın Ukraynadakı keçmiş səfiri Uilyam Teylor “The New York Times” (NYT) üçün yazdığı məqalədə xatırladıb .
“Sən başa düşürsən, Corc, Ukrayna hətta dövlət deyil! Ukrayna nədir? Ərazilərinin bir hissəsi Şərqi Avropadır, bir hissəsi və əhəmiyyətli hissəsi isə bizim tərəfimizdən bağışlanıb”, - Putin oturduğu yerdə əyilərək kiçik Buşun qulağına deyib.
Teylor onu da xatırladıb ki, hətta o zaman ABŞ dövlət katibi Kondoliza Rays yekun kommünikeyə Ukraynanın nəhayətdə NATO-ya qoşulacağını təsdiqləyən, lakin nə vaxt və necə olacağına dair heç bir məlumat verilmədən bəyanat salmağa nail olub.
“Əgər NATO 2008-ci ildə Ukrayna və Gürcüstanı NATO-ya üzvlük yoluna çıxarsaydı, ola bilsin ki, 2008-ci ildə nə Gürcüstanla münaqişə, nə də bugünkü Moskva ilə Kiyev arasında dəhşətli münaqişə baş verməzdi”, - deyə keçmiş diplomat məqaləsini yekunlaşdırıb.
Ukrayna yaxında NATO-ya üzv olacaq - Romanyuk
"Əmin olmalıyıq ki, Ukrayna NATO-ya üzv olacaq" - Zelenski
Hamı Ukraynanın tərəfindədir, biz isə... - Ərdoğan
Zelenskinin bu təşəbbüsü tarixin ən pis ideyasıdır
"Rusiya bizi NATO-ya üzv olmağa sövq edir" - Zelenski