Ölkə başçısı parlamentin ilk iclasında gələn il pensiya və minimum əməkhaqqlarının artırılacağını bəyan etdi. Bu, olduqca mühüm qərardır. Dövlət büdcəsi ilə bağlı məsələlər müzakirə edilən zaman minimum əməkhaqqı da diqqətdə olur. Çünki minimum əməkhaqqının artırılması müəyyən sahələrə müsbət təsir göstərir.
Bunu iqtisadçı alim Vahid Əhmədov deyib.
O qeyd edib ki, hazırda ölkədə minimum əməkhaqqı 345 manatdır:
“Gələn ildən isə bu sahədə hansı səviyyədə artımın olacağını dəqiq söyləmək çətindir. Bu, Maliyyə Nazirliyinin hesablamalarından asılı olan məsələdir. Ona görə də, dövlət büdcəsi müzakirəyə çıxarılan zaman bu məsələyə mütləq baxılmalıdır”.
İqtisadçı hesab edir ki, digər sosial məsələlərin də həlli vacibdir:
“Şəhid ailələri və qazilərin sosial durumuna diqqət yetirilməlidir. Yeni formalaşmış Milli Məclisin deputatlarının bununla bağlı təklifləri var. Hesablamalar aparıldıqdan, dövlət büdcəsinin gəlir və xərcləri müəyyən edildikdən sonra artımın nə qədər olacağı dəqiq bilinəcək”.
Vahid Əhmədova görə, qazilərə verilən 80 manatın artırılması əsas məsələlərdən biridir:
“Burada say kifayət qədər çoxdur. Bu sözsüz ki, böyük vəsait tələb edir. Heç olmasa 80 manatı bir qədər artırıb 150 manat səviyyəsində saxlamaq lazımdır. Gözləntilər odur ki, büdcə layihəsi çərçivəsində bu məsələ də müzakirə ediləcək”.
DƏQİQLƏŞDİ: Minimum əməkhaqqı və pensiya bu qədər artırılacaq
Təsdiqləndi: Maaş və pensiyalar bu tarixdən artırılacaq
Prezident elan etdi: maaş və pensiyalar artırılacaq
Minimum əməkhaqqı artımı 700 min nəfəri əhatə edəcək
Əmək pensiyasının minimum məbləği 240 manat olacaq