Azərbaycan Prezidentinin göstərişinə uyğun olaraq gələn ildən etibarən minimum əməkhaqqı və minimum pensiya yenidən artırılacaq. Əmək və Əhalinin Sosial Müdafiəsi Nazirliyinin noyabrın 1-dək təkliflərini təqdim edəcəyi gözlənilir. Növbəti ilin büdcə sənədləri çərçivəsində müzakirələrin davam etdiriləcəyi və maliyyə yükünün hesablanacağı gözlənilir.
Bəs pensiya və maaş ilə bağlı yanaşı, digər hansı ödənişlər artırıla bilər?
Milli Məclisin iqtisadçı deputatı Vüqar Bayramov mövzunu şərh edib.
O bildirib ki, gələn ilin dövlət büdcəsinin sosial müdafiə və sosial təminat xərclərinin 4 milyard 998 milyon manat olacağı proqnozlaşdırılır. 2024-cü ildə bu istiqamətə 4 milyard 391 milyon manat ayrılması nəzərdə tutulub. Deməli, gələn sosial xərclər 14 faiz artırılacaq.
"İlkin büdcə layihəsində sosial müdafiə və sosial təminat xərclərinin strukturu qeyd edilməsə də, əlavə etmək lazımdır ki, sosial sektora vəsaitlərin böyük qismi Dövlət Sosial Müdafiə Fondunun xətti ilə yönəldilir. Yəni, sözügedən büdcə maddəsində nəzərdə tutulandan daha çox vəsait sosial sferaya yönəldilir.
Büdcənin ilkin parametrləri göstərir ki, 2025-ci ildə sosial paketin dərinləşməsi prioritet olacaq. Konkret artımlar ilə bağlı bütün məlumatların isə büdcə müzakirələri zamanı təqdim olunacağı gözlənilir," - deyə Vüqar Bayramov qeyd edib.
DƏQİQLƏŞDİ: Minimum əməkhaqqı və pensiya bu qədər artırılacaq
Gələn il pensiya və maaşlarda artım gözlənilir
Aztəminatlı ailələrə şad xəbər: 4 milyard manat ayrıldı
Sahil Babayev: Orta aylıq əmək pensiyası 241 manat təşkil edəcək
Sosial ödənişlər üzrə əhaliyə iki milyard 914 milyon manat ödənilib