Hyuston və Çikaqo universitetlərinin (ABŞ) alimləri belə qənaətə gəliblər ki, Yer kürəsində ilk canlı hüceyrələr yağışlar sayəsində əmələ gəlib. Bu proses təxminən 3.8 milyard il əvvəl baş verib.
Bu barədə müvafiq araşdırma "Science Advances" elmi jurnalında dərc olunub.
Araşdırma komandası zülallar, lipidlər və RNT kimi mürəkkəb molekullardan təbii olaraq yaranan koaservat damcılarını tədqiq edib. Bu damcılar suda yağ hissəcikləri kimi hərəkət edirlər.
Koaservat damcıları tez bir zamanda öz aralarında molekul mübadiləsi apara bilir, lakin bu zaman onların tərkibi eyniləşir. Belə şəraitdə daha mürəkkəb orqanizmlərin inkişafı üçün zəruri olan təkamül prosesləri baş verə bilməz.
Tədqiqatçılar hesab edirlər ki, hələ yeni yaranmış Yerdə yağışlar zamanı şirin su koaservat damcılarının ətrafında müvəqqəti qoruyucu qabıq əmələ gətirib və bu da onların RNT-ni bir-birinə köçürməsinə mane olub. Bu fərziyyə laboratoriya təcrübələri zamanı təsdiqlənib.
Beləliklə, RNT kapsullarında mutasiyaların və digər təkamül proseslərinin baş verməsi üçün kifayət qədər vaxt olub.
Təmiz hava təhlükəli xəstəliyin inkişafına kömək edirmiş - ARAŞDIRMA
Dünyanın ən böyük cərəyanlarından birində nəzərəçarpacaq DƏYİŞİKLİK
Yer kürəsində rekord dərəcədə istilik müşahidə olunur
Dünya əhalisinin üçdə biri zəhərli su içir - TƏDQİQAT
Hazırda dünyada bu qədər təbii fəlakət niyə baş verir?