Faktiki hava AÇIQLANIB

Avqustun 7-də saat 08:00-a olan faktiki hava açıqlanıb.

Milli Hidrometeorologiya Xidmətindən verilən məlumata görə, avqustun 7-də saat 8:30-a olan məlumata görə əvvəlcədən xəbər verildiyi kimi, əksər rayonlarda hava şəraiti əsasən yağmursuz keçib. Lakin bəzi dağlıq və dağətəyi rayonlarda qısamüddətli yağış yağıb, şimşək çaxıb.

Düşən yağıntının miqdarı Gədəbəy, Naftalan, Qobustan, Altıağac, Quba, Şabranda, Bakıda və Abşeron yarımadasında 1 mm-dək olub.

Sarı xəbərdarlığa uyğun olaraq, şimal-qərb küləyinin sürəti Bakıda və Abşeron yarımadasında arabir 23 m/san, Culfada 18 m/san-dək güclənib.

Qrız, Şahdağda duman müşahidə olunub.

Havanın maksimal temperaturu Bakıda və Abşeron yarımadasında 35, Naxçıvan MR-də 39, Aran rayonlarında 38, dağlıq rayonlarda isə 28 dərəcəyədək isti olub.