“Aqrar İnkişaf Könüllüləri” təşkilatı üzvlərinin sayını açıqlayıb

Bu günə qədər “Aqrar İnkişaf Könüllüləri” təşkilatına 4 minə yaxın könüllü üzv olub.

Bunu təşkilatın sədri Aytac Cabbarova bildirib.

Onun sözlərinə görə, hazırda qurumun ölkənin 53 regionunda nümayəndəliyi var. Təşkilatın həyata keçirdiyi müxtəlif layihə, aksiya və tədbirlərdə 7 minə yaxın gənc iştirak edib.

A.Cabbarova "Aqrar İnkişaf Könüllüləri"nin yalnız ölkə daxilində deyil, Fransa, Rusiya, Qırğızıstan kimi ölkələrdə yerləşən beynəlxalq və yerli təşkilatlarla əməkdaşlıq etdiklərini qeyd edib.