İranın İsrailə hava hücumu nəticəsində yeddi yaşlı uşaq ağır yaralanıb - YENİLƏNİB

“İranın İsrail ərazisinə hücumu nəticəsində yeddi yaşlı uşağın ölümü ilə bağlı məlumat düzgün deyil”.

Bu barədə TASS-a İsrailin Rusiya Federasiyasındakı səfiri Simona Halperin məlumat verib.

“Biz məlumatı dəqiqləşdirmişik. Uşaq ölməyib, hazırda vəziyyəti ağırdır”, - deyə diplomat bildirib.

13:11

İranın İsrail ərazisinə endirdiyi hava zərbələri nəticəsində yeddi yaşlı uşaq həlak olub.
Bu barədə İsrailin Rusiyadakı səfiri Simone Halperin “TASS”a açıqlamasında deyib.

“Təəssüf ki, yeddi yaşlı uşaq aldığı xəsarətlərdən vəfat edib”, - deyə diplomat qeyd edib.

Səfir aydınlıq gətirib ki, hava zərbələri ölkənin cənubundakı İsrail Hərbi Hava Qüvvələri bazasına cüzi ziyan vurub.