Biləsuvar rayonu, Bağbanlar kəndində yanğın hadisəsi olub.
Bu barədə Fövqəladə Hallar Nazirliyindən (FHN) bildirilib.
Belə ki, kənd sakini Fərzəli Ağamməd oğlu Əhmədova məxsus həyətyanı sahədə yerləşən yardımçı tikili alovlanıb.
Biləsuvar rayon yanğından mühafizə bölməsinin əməkdaşlarının vaxtında müdaxiləsi ilə yanğının genişlənməsinin qarşısı alınıb.
Ümumi sahəsi 90 kvadratmetr olan yardımçı tikilinin altı kvadratmetr çardaq hissəsi və burada saxlanılan 750 kiloqram ot kipinin 250 kiloqramı yanıb.
Hadisə nəticəsində xəsarət alan olmayıb.
Faktla bağlı araşdırma aparılır.
Qaxda ev və köməkçi tikili YANDI
“Bərpa” Tibb Mərkəzində yanğın: Xəstələr təxliyə edildi
Zaqataladakı 15 otaqlı evdə başlayan yanğının səbəbi məlum olub - YENİLƏNİB
Balakəndə kömür sexində yanğın baş verib
Ağcabədidə birmərtəbəli evdə yanğın olub