Türkiyənin “Trabzonspor” klubunun rəhbərliyi Türkiyə Futbol Federasiyasının (TFF) qalmaqallı “Trabzonspor” - “Fənərbağça” oyunu ilə bağlı çıxardığı qərara kəskin etirazını bildirib.
Bununla əlaqədar Anadolu klubunun rəsmi “X” səhifəsində edilən paylaşımda “Ədalətiniz batsın! İstefa verib, kürsünüzdən düşün” cümləsi yazılıb.
Öz növbəsində “Trabzonspor” klubunun azarkeşləri də Türkiyə Futbol Federasiyasının çıxardığı qərara etiraz ediblər.
Onlar hesab edirlər ki, TFF qərar çıxarkən ədalətə riayət etməyib və “Fənərbağça”ya kəsilən cərimələr futbolçularının kobud davranışlarına mütənasib deyil.
Xatırladaq ki, Türkiyə Futbol Federasiyası qalmaqallı “Trabzonspor” - “Fənərbağça” oyunu ilə bağlı pul cəzaları kəsib.
Belə ki, “Trabzonspor” klubu altı rəsmi oyunu boş tribunalar önündə keçirəcək, üstəlik kluba arenada baş vermiş özbaşınalıqlarla əlaqədar 3 milyon 112 min türk lirəsi cərimə kəsilib.
“Trabzonspor”un məşqçisi Egemen Korkmaz bir görüşdə texniki zonada yer almayacaq. Üstəlik, o, 13 min Türkiyə lirəsi (687 manat) cərimə edilib.
Arda Turan cəzalandırıldı
Türkiyə Futbol Federasiyasının binasına silahlı basqın edilib - YENİLƏNİB
AFFA 5 klubu cəzalandırdı
Zidanı təhqir edən Fransa Futbol Federasiyası rəhbəri vəzifəsindən kənarlaşdırıldı