Azərbaycan cüdoçusu Rəşid Məmmədəliyev Türkiyənin Antalya şəhərində keçirilən “Böyük Dəbilqə” turnirində finala yüksəlib.
Oxu.Az xəbər verir ki, yarışın ikinci günündə mübarizə aparan üç cüdoçumuzdan yalnız biri medalı özü üçün təmin edib.
73 kq çəki dərəcəsində tatami üzərinə çıxan Rəşid Məmmədəliyev uyğun ardıcıllıqla Mark Xristov (Bolqarıstan), Koen Heq (Hollandiya), Bayram Kandemir (Türkiyə), Şahram Axadov (Özbəkistan) və Umalta Demireli (Türkiyə) məğlub edib. Onun finalda rəqibi Moldova cüdoçusu Adil Osmanov olacaq.
Digər cüdoçularımızdan Vüsal Qələndərzadə ilk görüşdə Keysey Nakanoya (Filippin) qalib gəlsə də, sonra Kiprianos Andreuya (Kipr) məğlub olub. Ömər Rəcəbli (81 kq) isə startda Joao Fernandoya (Portuqaliya) uduzub.
Qeyd edək ki, Azərbaycan cüdoçuları yarışın ilk günündə medal qazana bilməyiblər. Əhməd Yusifov (60 kq), Ruslan Paşayev və Rəşad Yelkiyev (hər ikisi 66 kq) uğursuz çıxış ediblər.
Azərbaycan cüdoçusu gümüş medal QAZANDI
“Böyük Dəbilqə”: Azərbaycan cüdoçuları ilk gündə iki medal qazanıblar - YENİLƏNİB
İki cüdoçumuz “Böyük Dəbilqə”ni medalsız başa vurdu
Cüdoçumuz dünya çempionatında yarımfinala yüksəldi
Güləşçimiz dünya çempionatında bürünc medal qazandı