Bakı Metropoliteni QSC-nin may ayı üçün nəzərdə tutulan 20 vaqonun (4 qatar) alınmasını təxirə salması ilə bağlı deyilənlər həqiqəti əks etdirmir. Heç bir proses təxirə salınmayıb.
Bu sözləri ONN media-ya Bakı Metropoliteni QSC-nin mətbuat katibi Bəxtiyar Məmmədov deyib. Onun sözlərinə görə, vaqonların istehsalı bu ay başa çatacaq və sonrakı müddət ərzində Bakıya gətiriləcək:
“Həmin vaqonların istehsal prosesi artıq başa çatmaq üzrədir. Karantin müddəti bitəndən sonra yeni vaqonların Bakıya gətirilməsi təmin olunacaq. Bu vaqonlar Bakı Metropoliteninin mövcud istismar parkında istismar müddətini başa vuran vaqonları əvəz edəcək. Həmin vaqonlar xətdən çıxarılanda bu vaqonlar artıq xətdə olacaq”.
B.Məmmədov bildirib ki, bununla bağlı 3 illik müqavilə imzalanıb və bu müddət ərzində 60 yeni vaqon alınacaq.
ONN İnformasiya Agentliyi
Bakı Funikulyoru yenidən fəaliyyətə başlayıb
BAKI METROSU FƏALİYYƏTİNİ BƏRPA ETDİ- YENİLƏNİB
Yeni metrostansiyanın açılışı 2020-ə qaldı - RƏSMİ
METRO FƏALİYYƏTİNİ BƏRPA ETMƏYƏ TAM HAZIRDIR – RƏSMİ
Yağış suları metroya da doldu