“Gələn ilin sentyabrından avtomobillərin utilizasiyası məsələsinin həllini tapması gözlənilir. Çünki ölkəmizdəki avtomobillərin 80 %-nin istismar müddəti bitib”.
Bunu Milli Məclisin deputatı Vüqar İskəndərov parlamentdə noyabrın 14-də keçirilən plenar iclasında “Azərbaycan Respublikasının 2024-cü il dövlət büdcəsi haqqında” qanun layihəsinin müzakirəsində deyib.
O bildirib ki, bu, kütləvi məsələ olduğundan ədalətli həll üçün mexanizm yaradılmalıdır.
Deputat tıxac probleminə də toxunub: “Bakı şəhərinin mərkəzində tıxaclar əsas problemdir. Buna yol açan problemlərdən biri şəhərin mərkəzi hissəsində universitetlərin, dövlət obyektlərinin olmasıdır. Gələn ilin büdcəsində həmin universitetlərin şəhərin kənarına köçürülməsinə baxmalıyıq. Pedaqoji Universitetinin Şəki filialı fəaliyyət göstərir. Şəki o regionun mərkəzi şəhəridir. Pedaqoji Universitetin Şəki filialı tam müstəqil universitet olmağa hazırdır. Gələcəkdə bu məsələyə baxılması çox vacibdir”.
Gələn ilin büdcəsi III oxunuşda qəbul edildi - YENİLƏNİB
Xalqa neftdən gələn gəlirlərdən kömək edilsin - TƏKLİF
Hesablama Palatası gələn ilin dövlət büdcəsi layihəsini təsdiqlədi
Gələn ay parlamentdə dövlət büdcəsinin icrasına baxılacaq
“Hərbi qulluqçuların statusu haqqında” qanun niyə icra edilməyib? - Nazir AÇIQLADI