Türkiyə terrorçuların 22 hədəfini belə məhv etdi - Video

İraqın şimalında həyata keçirilən hava əməliyyatında 22 hədəf məhv edilib, çox sayda terrorçunun zərərsizləşdirilib.

Bu barədə Türkiyə Milli Müdafiə Nazirliyi məlumat yayıb.

Bildirilib ki, BMT Nizamnaməsinin 51-ci maddəsinə uyğun olaraq, İraqın şimalındakı Metina, Hakurk, Qara, Qəndil və Asos bölgələrində terror təşkilatlarına qarşı hava əməliyyatı keçirilib:

“Əməliyyatın məqsədi mülki əhalini və sərhəd təhlükəsizliyini təhdid edən PKK/KSK terror qruplaşmalarını və digər terror ünsürlərini zərərsizləşdirmək olub. Hava hücumları nəticəsində separatçı terror təşkilatının istifadə etdiyi və bu təşkilatların yüksək rütbəli üzvlərinin gizləndiyi iddia edilən mağara, sığınacaq, bunker, sığınacaq və anbarlardan ibarət 22 obyekt məhv edilib”.