Azərbaycan Dövlət Neft Şirkətinin (SOCAR) Karbamid Zavoduna yeni direktor təyin edilib.
Bu barədə “Report”un sorğusuna cavab olaraq SOCAR-dan bildirib.
Məlumata görə, sözügedən vəzifəni Kutay Durna icra edəcək. O, indiyə qədər “İGSAŞ İstanbul Gübre Sanayii A.Ş.”də zavod direktoru olub və yeni vəzifəsində Xəyal Cəfərovu əvəz edib. O isə bir qədər əvvəl SOCAR-ın Heydər Əliyev adına Neft Emalı Zavodunun direktoru təyin olunub.
Sumqayıt Kimya Sənaye Parkının ərazisində inşa olunmuş Karbamid Zavodu 2019-cu il yanvarın 16-da istifadəyə verilib. Zavod il ərzində 435 milyon m3 təbii qaz həcmindən xammal kimi istifadə etməklə, 650-660 min ton karbamid məhsulu istehsal etmək gücündədir. İstehsal həcminin 70 %-i ixrac üçün nəzərdə tutulub ki, bu da hər il ölkəyə 160 milyon ABŞ dollarına qədər əlavə gəlir gəlməsi deməkdir.
“SOCAR Türkiyə’’yə yeni rəhbər TƏYİN EDİLDİ
SOCAR: “Heydər Əliyev adına zavodun modernizasiya layihəsində qəzasız 25 milyon adam-saat iş görülüb”
SOCAR Müşahidə Şurasına yeni üzv təyin edildi
Sabiq vitse-prezidentlərə SOCAR-da vəzifə verildi
SOCAR ilə İngiltərənin neft-kimya şirkəti arasında əməkdaşlıq gözlənilir