“Biz Azərbaycanı iqtisadiyyatı inkişaf edən dövlət hesab edirik”.
“Report”un Vilnüsə ezam olunan müxbiri xəbər verir ki, bunu Litva Prezidenti Gitanas Nauseda bildirib.
“Bu gün biz sağlam ikitərəfli əlaqələrimizə arxalana bilərik. Azərbaycan Litvanın mühüm tərəfdaşıdır və biz qarşılıqlı faydalı imkanlar tapmaqda maraqlıyıq. Azərbaycanı nəhəng enerji potensialına və şaxələndirmə istəyinə malik olan, iqtisadiyyatı inkişaf edən dövlət hesab edirik. Azərbaycan iqtisadiyyatının informasiya texnologiyaları, logistika, istehsalat, qabaqcıl qida emalı və bərpa olunan enerji kimi müxtəlif sahələri litvalı sahibkarları cəlb edir”, - o vurğulayıb.
Litva dövlət başçısı qeyd edib ki, sıfır emissiya hədəfinə diqqət yetirməklə iqtisadiyyatın inkişafı Azərbaycan və Litva iqtisadiyyatlarını da yaxınlaşdıra bilər:
“Mən qəti şəkildə inanıram ki, xalqlarımız təkcə iqtisadiyyat sahəsində deyil, həm də elm, təhsil və mədəniyyət sahələrində də birləşməlidir”.
İlham Əliyev litvalı həmkarını təbrik etdi
Azərbaycan lideri: “Biz hesab edirik ki, sülh anlaşmasının imzalanması qaçılmazdır”
Azərbaycan və Litva prezidentləri Davosda görüşdülər
Azərbaycan və Litva prezidentlərinin məhdud tərkibdə görüşü olub - YENİLƏNİB
Litva Prezidentinin Azərbaycana rəsmi səfəri başa çatdı