Həftəsonu rayonlarda hava necə olacaq?

İstirahət günlərində (mayın 20-21-də) milli parklarda gözlənilən hava şəraiti ilə bağlı məlumat açıqlanıb.

Bu barədə Milli Hidrometeorologiya Xidmətindən məlumat verilib.

Samur–Yalama milli parkında havanın əsasən yağmursuz keçəcəyi gözlənilir. Gecə və səhər duman olacaq. Şərq küləyi əsəcək. Temperatur gecə 4-7 °isti, gündüz 13-16° isti olacaq.

Altıağac milli parkında havanın əsasən yağmursuz, mülayim keçəcəyi gözlənilir.
Gecə və səhər duman olacaq. Şərq küləyi əsəcək. Temperatur gecə 5-8° isti, gündüz 13-18° isti olacaq.

Ağgöl milli parkında hava sabit, əsasən yağmursuz keçəcək. Lakin 21-də gecə və səhər arabir yağış yağacağı gözlənilir. Şimşək çaxacağı ehtimalı var. Gecə və səhər duman olacaq, şərq küləyi əsəcək. Temperatur gecə 10-13° isti, gündüz 20-24° isti olacaq.

Qızılağac milli parkında hava şəraiti əsasən yağmursuz keçəcək. Lakin 20-də axşam arabir yağış yağacağı gözlənilir. Gecə və səhər duman olacaq. Şərq küləyi əsəcək. Temperatur gecə 12-14° isti, gündüz 20-23° isti olacaq.
Göygöl milli parkında fasilələrlə yağış yağacağı gözlənilir. Şimşək çaxacağı ehtimalı var. Gecə və səhər duman olacaq. Şərq küləyi əsəcək. Temperatur gecə 6-8° isti, gündüz 12-14° isti olacaq.

Şirvan milli parkında havanın əsasən yağmursuz keçəcəyi gözlənilir. Lakin 21-də gecə arabir yağış yağacağı ehtimalı var. Gecə və səhər duman olacaq. Şərq küləyi əsəcək. Temperatur gecə 12-14° isti, gündüz 22-24° isti olacaq.

Hirkan milli parkında hava şəraiti əsasən yağmursuz keçəcək. Lakin 20-də axşam arabir yağış yağacağı gözlənilir. Gecə və səhər duman olacaq. Şərq küləyi əsəcək. Temperatur gecə 12-14° isti, gündüz 20-23° isti olacaq.