Prezident İlham Əliyevin bu gün imzaladığı sərəncamla Azərbaycan Dövlət Su Ehtiyatları Agentliyinin sədri təyin edilən Zaur Mikayılov sözügedən təyinatadək Azərbaycan Meliorasiya və Su Təsərrüfatı ASC-yə rəhbərlik edib.
49 yaşlı Mikayılov Zaur Rauf oğlu daha əvvəl ölkənin əsas marketlər şəbəkələrindən olan BRAVO-nun məxsus olduğu "Azərbaycan Supermarket” MMC-yə rəhbərlik edib.
O, "PAŞA Construction" tikinti şirkətində yüksək vəzifə tutub və "Port Baku Towers"in baş direktoru olub. 2001-2009-cu illər ərzində isə "Bakcell" MMC-də baş kommersiya inzibatçısı kimi çalışıb.
Zaur Mikayılov Bosfor Universitetinin "Biznesin idarə olunması" fakültəsini bitirib.
Qeyd edək ki, Zaur Mikayılov Şirvan Aşıq Məktəbinin banisi olan Aşıq Bilalın nəticəsi, ustad aşıq Aşıq Ağaların isə nəvəsidir. Atası Rauf Mikayılov tanınmış həkim olub və ötən il vəfat edib.
Prezidentin yüksək vəzifəyə təyin etdiyi şəxs kimdir? - BİOQRAFİYA
Prezidentdən Zaur Mikayılovla bağlı SƏRƏNCAM
Meliorasiya və Su Təsərrüfatı ASC-yə yeni sədr təyin edildi
Yeni sədr kollektivə təqdim edildi – Əhmədzadə də qatıldı
Şahin Mustafayev yeni sədri kollektivə təqdim etdi