“Ərazilərimizdəki qeyri-qanuni istismarın bütün region üçün təhlükə olduğunu dünya bilməlidir”.
Bu fikirləri “Report”un Ankara bürosuna açıqlamasında Türkiyədə səfərdə olan Azərbaycanın İnsan Hüquqları üzrə Müvəkkili (Ombudsman) Səbinə Əliyeva bildirib.
O deyib ki, Ermənistanın işğalı nəticəsində uzun illərdən bəri soydaşlarımızın müxtəlif istiqamətlərdə hüquqları pozulub və bu barədə rəhbərlik etdiyi institut beynəlxalq ictimaiyyətə, müxtəlif ölkələrdə fəaliyyət göstərən ombudsmanlara mütəmadi olaraq müraciət edib, məlumatlar verib:
“Azərbaycanın əzəli torpaqlarında bilirsiniz ki, bir çox müharibə cinayətləri törədilib. Bu gün də beynəlxalq hüquqla tanınan ərazilərimizdə qeyri-qanuni istismar həyata keçirilir. Təbii ki, bu, yalnız Azərbaycan üçün deyil, bütün region üçün böyük bir təhlükədir. Hesab edirəm ki, dinc aksiyaçılarımıza dünyada fəaliyyət göstərən bir çox qeyri-hökumət təşkilatları, ekoloqlar və digər müvafiq qurumlar da dəstək verməlidir”.
Qeyd edək ki, S.Əliyeva Ankarada keçirilən “21-ci əsrdə insan hüquqlarının gələcəyi” mövzusunda beynəlxalq konfransda iştirak edir.
Ombudsman Ermənistanın törətdiyi təxribatla bağlı beynəlxalq təşkilatlara çağırış edib
Prezidentin köməkçisi Şuşadakı aksiyadan danışdı
Yaşar Əliyev: “Qızım Ombudsman seçilərkən bir ata kimi sevincdən gözlərim yaşardı” - FOTOLAR
Prezident: “İşğal müddətində Kəlbəcər, Laçın, Şuşada qeyri-qanuni məskunlaşdırma proqramları həyata keçirilib”
Hesabat: Ermənistanın anti-Azərbayan siyasəti aparması Vətən müharibəsindən sonra da səngiməyib