ABŞ prezidenti Co Baydenin administrasiyası İran dronlarının istehsalı onların Rusiyaya ötürülməsinin qarşısını almaq məqsədi daşıyan nəhəng proqram hazırlayıb.
Məlumata görə, Ağ Ev həmin PUA-larda Qərb texnologiyalarının, o cümlədən ABŞ texnologiyalarının aşkar edilməsindən sonra İran dronları ilə bağlı işi gücləndirib.
Amerikalılar artıq ukraynalı hərbçilərə rusiyalı həmkarlarının İran PUA-larının buraxılış yerləri haqqında məlumat verirlər.
Həmçinin ABŞ şirkətləri Ukraynaya düşmən PUA-larını daha uzaq məsafələrdə aşkar edə bilən cihazlar bağışlayıb.
Bildirilib ki, ABŞ rəsmiləri İranın pilotsuz uçuş aparatları mövzusunu İsraillə də müzakirə ediblər. Xüsusilə ABŞ-ın milli təhlükəsizlik müşaviri Ceyk Sallivan ötən həftə İsrail rəsmiləri ilə Rusiya və İran arasındakı hərbi əməkdaşlığı müzakirə edib.
ABŞ Milli Təhlükəsizlik Şurasının sözçüsü Edrian Vatson ölkəsinin sanksiyalar və danışıqlar yolu ilə İranda kamikadze dronların istehsalını pozmağa çalışdığı barədə məlumatı təsdiqləyib.
Bununla yanaşı, Ağ Ev texnologiyası İran pilotsuz təyyarələrində aşkarlanan Amerika şirkətlərinə qarşı sərt tədbirlər görülməsinə göstəriş verib.
Mənbə: rbc.ua
İran buna görə Rusiyadan təhlükəsizlik dəstəyi istəyir
"İsraili vurmaq üçün PUA hazırlamışıq" - İran
Putinlə İran prezidenti bu tarixdə görüşəcək
Bayden Ərdoğanla Qarabağı da müzakirə edəcək
"İran tezliklə Rusiyaya göndərdiyi silah partiyasını genişləndirə bilər" - Mossad şefi