Şabran rayonunda yerləşən “Qalaaltı” İstirahət Mərkəzinin yaxınlığındakı meşəlik ərazidə baş vermiş yanğının genişlənməsinin qarşısının alınması və söndürülməsi istiqamətində yanğından mühafizə tədbirləri davam etdirilir.
Bu barədə FHN məlumat yayıb.
Yanğının mürəkkəb relyefli dağlıq ərazidə baş verməsi yanğın nöqtəsinə yanğınsöndürmə texnikasının və şəxsi heyətin birbaşa müdaxiləsini imkansız edir. Bu səbəbdən yanğının söndürülməsinə FHN-in 4 ədəd yanğınsöndürmə avtomobilindən başqa bir ədəd helikopteri də cəlb edilib.
Yanğının “Qalaaltı” İstirahət Mərkəzinin ərazisinə keçməməsi üçün nazirliyin yanğısöndürmə qüvvələri əməliyyat şəraitinə uyğun olaraq operativ qaydada qabaqlayıcı tədbirlər həyata keçirir.
“Qalaaltı” İstirahət Mərkəzinin baş verə biləcək yanğından mühafizə edilməsi məqsədilə su hidratlarının effektiv tətbiqi üçün lazımi avadanlıqlar hazır vəziyyətə gətirilib, müdafiə xətləri qurulub.
“Qalaaltı” İstirahət Mərkəzinə yaxın olan meşəlik ərazidə yanğın istiqamətində soyutma işləri davam etdirilir.
Şabrandakı yanğının söndürülməsinə amfibiya təyyarəsi də cəlb olundu
FHN Qəbələdəki yanğınla bağlı MƏLUMAT YAYDI - YENİLƏNİB
Xaçmazdakı yanğının söndürülməsinə təyyarə və iki helikopter cəlb olundu - YENİLƏNİB
Qəbələdə dağlıq ərazidə yanğın başlayıb
Oğuzda dağlıq ərazidə yanğın başladı