Türkiyənin etirazından sonra paylaşımını sildi

İrəvanda səfərdə olan BMT Baş Assambleyasının prezidenti Abdulla Şahid ermənilərin qondarma “soyqırım” abidəsi sayılan “Tsitsernakabert”i ziyarət edib. Şahid öz rəsmi tviter hesabında bununla bağlı paylaşım da edib.

hemlemedia.az erməni mediasına istinadən xəbər verir ki, Şahid daha sonradan sözügedən paylaşımı silib.

Məlumata görə, A. Şahid Türkiyə Xarici İşlər Nazirliyinin onun sözügedən abidəni ziyarət etməsinə etiraz etməsindən sonra bu addımı atıb.

Xatırladaq ki, Şahid iyulun 26-sı Ermənistana səfər edib və bir neçə görüş keçirib. O, Ermənistana səfərini iyulun 29-u başa vuracaq.