Dövlət Gömrük Komitəsi (DGK) ekoloji təmiz avtomobillərin idxalının gömrük yığımları və rüsumlardan tam azad edilməsi üçün müvafiq sənədləri hökumətə təqdim edib.
Bunu DGK-nin nümayəndəsi Tariyel Alverdiyev "Azərbaycanda ekoloji təmiz avtomobillərin istismarı və təmiz ətraf mühit" adlı mətbuat konfransında deyib.
Onun sözlərinə görə, 2022-ci ildən Azərbaycana elektromobillərin idxalı əlavə dəyər vergisindən azad edilib. Bundan başqa, daxili bazarda da elektromobil satışları ƏDV-dən azad edilib.
"Azərbaycanda üç min kub santimetrdən çox mühərrik həcmi olan avtomobillərin idxalının azaldılması məqsədilə onların idxalına gömrük rüsumları artırılıb. İlin əvvəlindən Azərbaycana bu avtomobillər gətirilməyib", - T.Alverdiyev deyib.
Eyni zamanda o əlavə edib ki, bu ilin əvvəlindən Azərbaycana ötən ilin eyni dövrü ilə müqayisədə 1 300 ədəd çox hibrid avtomobil idxal edilib.
Bu avtomobil sürücülərinə ŞAD XƏBƏR - Böyük güzəştlər olacaq (VİDEO)
Aİ-92 benzini gömrük rüsumundan azad OLUNDU
Bu avtomobillərin idxalı ilə yanaşı, satışı da ƏDV-dən azad ediləcək
Azərbaycan ət idxalını iki dəfə azaldıb
Azərbaycanda avtomobillər sürətlə bahalaşır - SƏBƏB