Qətərin paytaxtında keçirilən "Doha Forumu”nda Türkiyənin xarici işlər naziri Mövlud Çavuşoğlu və Ukraynanın xarici işlər nazirinin müavini Əminə Cabbar arasında görüş olub.
Bu barədə ukraynalı siyasətçi tviterdə yazıb.
"Türkiyəyə Ukrayna ilə sarsılmaz həmrəyliyinə, Rusiya təcavüzünə son qoyulması istiqamətində əməli siyasi və humanitar dəstəyə, həmçinin Ukraynanın təhlükəsizliyinin təminatçılarından biri olmaq məsələsini nəzərdən keçirməyə hazır olduğuna görə təşəkkür etdim”, - Ə.Cabbar vurğulayıb.
Qeyd edək ki, Ukrayna XİN başçısı Dmitro Kulebanın birinci müavini olan Əminə Cabbar bu qurumda Krım türklərinin ilk nümayəndəsidir.
Çavuşoğlu Ukraynaya getdi
"Bu çətin zamanda göstərdiyi həmrəyliyə görə Türkiyəyə təşəkkür edirəm" - Kuleba
Ərdoğanla Putin arasında telefon danışığı oldu
Çavuşoğlu Britaniya, Finlandiya və qətərli həmkarları ilə Əfqanıstanı müzakirə etdi
Çavuşoğlu: “Misirlə Türkiyə arasında diplomatik səviyyədə əlaqələr başlayıb”