“Əlillik ona görə müddətli təyin olunur ki, xəstə bu müddətdə sağala bilər”

“Bütün dünyada olduğu kimi əlillik müddətli təyin olunur. Çünki bu müddət ərzində əlil sağala bilər. Müddət bitdikdə səhhətində sabit pozuntular varsa, həmin şəxs yenidən tibb müəssisinə müraciət edir. Nəticədə qiymətləndirmə aparılaraq əllillik təyin olunur”.

Bunu Dövlət Tibbi Sosial Ekspertiza və Reablitasiya Agentliyinin İdarə Heyətinin sədri Anar Bayramov bu gün keçirilən brifinqdə deyib.

A.Bayramov bildirib ki, əlilliyi olan şəxslər həmin müddəti nəzərdən qaçırmamalıdır: “Bilirsiniz ki, 20216-cı ildə heç bir müayinələr keçirilmədən əlillik müddəti 5 il müddətə uzadıldı. Qanunvericiliyə edilən yeni dəyişikliyə görə əlillik müddəti bitən şəxslərin təkrar əlilliyinin qiymətləndirilməsi ona təyin olunan yeni tarixdən deyil, müddəti bitən gündən hesablanacaq. Yəni vətəndaş həmin 5-6 ayın əlillik pulunu da ala biləcək”.