Azərbaycan boksçusu Alfonso Dominqes Serbiyanın paytaxtı Belqradda keçirilən dünya çempionatında finala yüksəlib.
86 kq çəki dərəcəsində mübarizə aparan Avropa Oyunlarının qalibi yarımfinalda kubalı Ruis Kordobanı məğlub edib.
Asif Axundov klubunun üzvü gərgin keçən döyüşü 4:1 (30:27, 29:28, 30:27, 29:28, 30:27) hesabı ilə aktivinə yazıb. Alfonso sabah baş tutacaq həlledici qarşılaşmada braziliyalı Keno Maçadonu sınağa çəkəcək.
Bu gün baş tutacaq yarımfinallarda millimizin daha 2 üzvü rinqə çıxacaq.
Qeyd edək ki, AİBA bayrağı altında çıxış edən Tavfiqulla Suleymanini, ardınca rumıniyalı Pol Aradoaeni mübarizədən kənarlaşdıran Alfonso 1/4 finalda rusiyalı Şarabutdin Atayevə qalib gəlib.
Azərbaycanın paralimpiadadakı qızıl medallarının sayı 6-ya çatdı - YENİLƏNİB
Azərbaycanın 3 güləşçisi dünya ikincisi oldu
Orxan Səfərov ilk dəfə Avropa çempionu oldu - YENİLƏNİB
Avropa çempionumuz “Böyük Dəbilqə”nin mükafatçısı oldu
Tokio-2020: 2 paracüdoçumuz finala vəsiqə qazandı - Yenilənib