Sabah Bakı şəhərində yerləşən İkinci Şəhidlər Xiyabanında 9 naməlum şəhidin məzarı açılacaq.
Bu barədə Bakı şəhəri İcra Hakimiyyətinin Mənzil-Kommunal Təsərrüfatı Departamentinin nəzdindəki Əhaliyə vətəndaşlıq xidməti trestinin baş mühəndisi Sabir Həsənov məlumat verib.
Onun sözlərinə görə, avqustun 20-də 9 məzarın açılması nəzərdə tutulub:
“Qəbirlərin açılması prosesi prokurorluğun qərarı ilə həyata keçirilir”.
Qeyd edək ki, bir müddət əvvəl Bakıdakı Birinci Şəhidlər Xiyabanında 23 naməlum şəhid məzarı açılmışdı.
Xatırladaq ki, Əsir və itkin düşmüş, girov götürülmüş vətəndaşlarla əlaqədar Dövlət Komissiyası naməlum şəhid məzarları ilə bağlı eksqumasiya və tibbi-genetik ekspertizasının aparılması üçün Baş Prokurorluğa müraciət ediblər.
Məlumata görə, naməlum məzarlar Birinci Qarabağ müharibəsində şəhid olmuş şəxslərə aiddir.
Sumqayıt Şəhidlər Xiyabanında şəhidlərimizə qarşı hörmətsizlik - ATƏŞ.AZ
Daha bir əsgərimizin şəhid xəbəri gəldi - FOTO
SALYANDA NAMƏLUM QADIN MEYİTİ TAPILDI – QƏTL
İtkin əsgərimizin nəşi Xocavənddə tapıldı
Vətən müharibəsində itkin düşən daha bir hərbçimizin şəhid olduğu məlum olub