“Azərbaycan Ermənistan tərəfindən həyata keçirilən hücumları dayandırmaq və ərazilərini işğaldan azad etmək üçün “artıq bəsdir” deyərək hərəkətə keçdi”.
Bunu Türkiyə Milli Müdafiə naziri Hulusi Akar deyib.
“Azərbaycan “Bir Vətən Hərəkat Planı”nı tətbiq etdi. Cənab prezidentimiz Rəcəb Tayyib Ərdoğan da Rusiya Prezidenti cənab Vladimir Putin ilə atəşkəsin şərtləri və daimi olması mövzusunda müzakirə apararaq atəşkəs razılaşmasına lazımi töhfə verib. Türkiyə-Rusiya Birgə Monitorinq Mərkəzinin tikintisi və fəaliyyətlərin başlaması üçün Türkiyə-Azərbaycan-Rusiya arasında əməkdaşlıq davam edir”, - deyə H.Akar bildirib
H.Akar Qazi Mustafa Kamal Atatürkün anım günü ilə əlaqədar Azərbaycanın Zəfər Gününü noyabrın 10-dan 8-nə dəyişməsinə də münasibət bildirib: “Bu həssaslıqlarına görə başda Azərbaycan Prezidenti cənab İlham Əliyev olmaqla, bütün azərbaycanlı qardaşlarımıza təşəkkürümüzü bildiririk. Beləliklə, Azərbaycan “bir millət - iki dövlət” anlayışı ilə kədərdə və sevincdə bir və bərabər olduğumuzu bir daha göstərib. Türkiyə bundan sonra da bütün imkanları ilə azərbaycanlı qardaşlarımızın yanında olmağa davam edəcək”. //Report.az
Hulusi Akardan Qarabağda atəşkəsə nəzarətlə bağlı daha bir AÇIQLAMA
Hulusi Akardan Türkiyə qüvvələrinin Qarabağda aparacağı işlə bağlı AÇIQLAMA
Hulusi Akar: “Rusiya ilə danışıqlar davam edir, hər şeyi etdik...” – Açıqlama
SON DƏQİQƏ! Hulusi Akar açıqladı: Qrafikə uyğun olaraq...
Türkiyədən son dəqiqə Qarabağ açıqlaması: Generallar...