Avqustun 12-də 1952-ci il təvəllüdlü Hüseyn Məmmədova Binəqədi rayonu ərazisində naməlum şəxs (şəxslər) tərəfindən bıçaqla xəsarət yetirilməsi və aldığı xəsarətdən 13 avqust 2020-ci il tarixdə xəstəxanada ölməsi barədə rayon prokurorluğuna məlumat daxil olub.
ATESH,AZ saytı xəbər verir ki, bu barədə Binəqədi rayon prokurorluğundan bildirilib.
Qeyd edilib ki, dərhal prokurorluq əməkdaşları tərəfindən hadisə yerinə baxış keçirilib və digər zəruri prosessual hərəkətlər yerinə yetirilib.
Faktla bağlı Binəqədi rayon prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb.
İş üzrə hadisənin şahidləri müəyyənləşdirilərək dindirilib, müvafiq ekspertizalar təyin edilib.
Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.
ATESH,AZ
POLİSİN BIÇAQLANMASI İLƏ BAĞLI RƏSMİ MƏLUMAT
Mingəçevirdə 17 yaşlı oğlan anasını öldürdü - Təfərrüat
Tovuzda baş verən dəhşətli hadisə ilə bağlı rəsmi – Açıqlama
Tovuzda baş vermiş partlayış ilə bağlı cinayət işi başlanılıb
SUMQAYITDA DƏHŞƏT – ARVADINI BİNANIN QARŞISINDA DOĞRADI