ATESH,AZ saytı ONN medya agentliyinə istinadən yayımladı.
Bu il Qurban bayramı pandemiya şəraitinə uyğun təşkil olunmalı, heyvan satışı və kəsimi ilə məşğul olanlar COVID-19 testindən keçməlidirlər.
Bunu Qida Təhlükəsizliyi Agentliyinin Heyvan sağlamlığı şöbəsinin müdiri Qalib Əbdüləliyev deyib.
O bildirib ki, kəsim və satış ilə məşğul olanlar maska taxmalı, ara məsafəsini gözləməlidirlər. Bu şəxslərə COVID-19 testini vermək isə mütləqdir. Çünki bayram günü Agentlik tərəfindən mütəmadi reydlər təşkil olunacaq. Əgər kimdəsə testin cavabı olmasa, həmin şəxs müəssisədən kənarlaşdırılacaq.
Qalib Əbdüləliyevin sözlərinə görə, vətəndaşlar qurbanlıq ət və ya heyvanın alışını öncədən də sifariş edə bilərlər. Bunun üçün həm müxtəlif marketlərdə, həm də heyvan kəsimi müəssisələrində şərait yaradılıb.
Artıq indidən qurbanlıq heyvan ilə bağlı sifarişlər var. Bu işlə məşğul olan Əli Hacıyev deyir ki, qurbanlıq heyvanı indidən alanlar bayram günü deyilən saatda yaxınlaşaraq kəsdirə bilərlər.
Satıcılar deyirlər ki, əksər insanlar qurbanını bayramın birinci günü kəsdirmək istəyir. Pandemiya şəraitində isə bunu çatdırmaq mümkünsüzdür. Ona görə də sifarişlər 3 bayram gününə uygun bölünəcək.
ATESH,AZ mövzu ilə bağlı daha ətraflı videomaterialı təqdim edir:
AZƏRBAYCANDA QURBAN BAYRAMI NƏ VAXTDIR?
İmişlidə ferma yandı, 60 baş iri buynuzlu heyvan tələf oldu
Baytarlıq sahəsində həyata keçirilən xidmətlər təkmilləşdirilir - FƏRMAN
KORONAVİRUS XƏSTƏLƏRİNİN QABLARI KÜÇƏYƏ ATILIR? – RƏSMİ CAVAB
BÜTÜN VİRUSLAR NİYƏ ÇİNDƏ BAŞLAYIR?