Müdafiə Nazirliyinin Mətbuat Xidməti xüsusi karantin rejiminə riayət olunmasına nəzarət etmək üçün Daxili İşlər Nazirliyinin (DİN) əməkdaşlarına kömək məqsədi ilə Azərbaycan Ordusunun bəzi bölmələrinin də bu işə cəlb olunduğunu bildirib.
hemlemedia.az saytı ONN media agentliyinə xəbər verir ki, bununla əlaqədar DİN-in Mətbuat Xidmətindən qeyd edilib ki, ölkəmizdə xüsusi karantin rejimi tətbiq ediləndən bugünədək, təxminən 4 aydır ki, polis əməkdaşları və Daxili Qoşunların hərbi qulluqçuları gücləndirilmiş iş rejimində fasiləsiz olaraq nəzarət tədbirlərini həyata keçirirlər.
Bu müddətdə əməkdaşlarımız məzuniyyətə çıxmadan, hətta həftənin bazar günləri öz xidmətlərini davam etdiriblər. Ona görə də tək Müdafiə Nazirliyinin deyil, eləcə də Fövqəladə Hallar Nazirliyinin, Sərhəd Qoşunlarının, yerli icra hakimiyyətlərinin əməkdaşları xüsusi karantin rejiminə nəzarət prosesində zərurət yarandığı təqdirdə polis əməkdaşlarına və Daxili Qoşunların hərbi qulluqçularına kömək məqsədi ilə bu işə cəlb olunurlar.
Fürsətdən istifadə edərək bu çətin və məsuliyyətli işdə Daxili İşlər Nazirliyinin əməkdaşlarına kömək edən bütün qurumlara və vətəndaşlara öz təşəkkürümüzü bildiririk.
DİN- İN TEXNİKALARI BAKI KÜÇƏLƏRİNDƏ
DİN-DƏN VƏTƏNDAŞLARA XƏBƏRDARLIQ
“BU, KARANTİN REJİMİNİN DAHA DA SƏRTLƏŞDİRİLMƏSİ DEMƏKDİR” – DİN-DƏN XƏBƏRDARLIQ
DİN jurnalistlərə və sosial şəbəkə istifadəçilərinə müraciət etdi
Müəyyən nöqsanlar var və aradan qaldırmaq üçün tədbirlər görürük" - Vilayət Eyvazov