Rusiyanın Moskva vilayətindəki "Crocus City Hall" konsert zalında terror aktı nəticəsində həlak olanların bəzilərinin bədənlərində təkcə güllə yaraları deyil, həm də kəsici-deşici yaralar var.
Bu barədə hüquq-mühafizə orqanlarından bildirilib.
"Bu, onu göstərir ki, "Crocus" konsert zalına hücum zamanı terrorçular təkcə avtomatik odlu silahlardan deyil, həm də bıçaqlardan istifadə edə bilərdilər", - deyə agentliyin həmsöhbəti deyib.
Mənbənin sözlərinə görə, hadisə yerindən həmçinin çoxlu sayda atılmış gilizlər tapılıb.
Xatırladaq ki, terror aktı 2024-cü il martın 22-də axşam saatlarında Moskva vilayətinin Krasnoqorsk şəhərində yerləşən "Crocus City Hall" konsert zalında baş verib. "Piknik" qrupunun çıxışından əvvəl zala silahlı şəxslər daxil olaraq tamaşaçılara atəş açıblar. Bundan sonra partlayışlar olub və yanğın başlayıb. Hücum nəticəsində 150 nəfər həlak olub. İŞİD terrorun məsuliyyətini öz üzərinə götürüb. Rusiya İstintaq Komitəsi "terror aktı" maddəsi üzrə cinayət işi açıb. Hadisə ilə bağlı ondan çox şəxs saxlanılıb.
“Crocus City Hall”dakı terrorda təqsirləndirilən on birinci şəxs həbs edildi
“Crocus City Hall”da baş verən terrorda xəsarət alanların sayı artıb
“Crocus City Hall”da zərərçəkənlərə ödənişlər bu tarixdə veriləcək
Terrorda ölənlərdən 68-nin şəxsiyyəti məlum oldu
“Crocus City Hall”da baş verən terror aktı ilə bağlı onuncu şəxs saxlanılıb - YENİLƏNİB