Fransa Prezidenti Emmanuel Makron Böyük Britaniyanın baş naziri Kir Starmer ilə birlikdə Ukrayna ilə bağlı hazırlanan planın təfərrüatlarını açıqlayıb.
Bu barədə o, "Le Figaro"ya müsahibəsində məlumat verib.
Siyasətçilər “havada, dənizdə və enerji infrastrukturunda atəşkəs” təklif ediblər ki, bu da atəşə bir ay müddətində moratoriumun qoyulmasını nəzərdə tutur. Bunun yerdəki vəziyyətə aidiyyatı yoxdur, çünki cəbhə xəttinin uzunluğu nəzarəti çətinləşdirir. İkinci mərhələdə sülhməramlılar Ukraynaya gətiriləcək.
"Yaxın həftələrdə Ukrayna ərazisində heç bir Avropa qoşunu olmayacaq. Sual ondan ibarətdir ki, danışıqlar üçün bir neçə həftə çəkəcək və sülh imzalandıqdan sonra qüvvələrin yerləşdirilməsi ilə nəticələnəcək əlverişli atəşkəsə nail olmaq üçün bu vaxtdan necə istifadə etmək olar?", - Makron bildirib.
O, həmçinin ABŞ və Ukrayna prezidentləri Donald Tramp və Volodimir Zelenski arasında “eskalasiyaya” əmin olduğunu bildirib. Siyasətçi deyib ki, o, amerikalı həmkarı ilə cümə və şənbə günləri danışıb.
"Yaxın günlərdə biz dialoqu yenidən qura bilməliyik", - Makron əlavə edib.
Kir Starmer isə Ukraynada sülhün əldə olunması üçün məqamları da açıqlayıb. Onun fikrincə, bunun üçün təhlükəsizlik zəmanəti olan Avropa elementi lazımdır.
O vurğulayıb ki, sülhü təmin etmək üçün lazım gələrsə döyüşə bilən güclü Ukrayna, həmçinin danışıqlar üçün güclü mövqe, təhlükəsizlik zəmanəti olan Avropa elementi və ABŞ-ın dəstəyi lazımdır.
"Siz dağılacaq bir sövdələşmə edə bilməzsiniz və Zelenskini narahat edən də budur", - Starmerqeyd edib.
O, Rusiya ilə Ukrayna arasında təmas xəttinin harada olacağı ilə bağlı suala birbaşa cavab verməyib və sadəcə deyib: “Aydındır ki, bu, müzakirə mövzusudur”.
İngiltərə və Fransa liderləri arasında gizli görüş: Ukrayna ilə bağlı nə hazırlanır?
Ərdoğanla danışan Makron bu cavabı alıb: Trampa deyəcəyəm ki....
Trampla görüşdən sonra Zelenskidən İLK AÇIQLAMA - “Güclə sülh mümkündür!”
Makron Putin və Zelenski ilə danışıqlar aparıb
Üç Avropa ölkəsinin prezidenti Ukraynaya getdi - YENİLƏNİB