Baş Dövlət Yol Polisi İdarəsi hərəkət iştirakçılarına xəbərdarlıq edib.
Bu barədə İdarədən məlumat verilib.
Bildirilib ki, hazırda ölkə ərazisində şaxtalı hava hökm sürür:
"Gecə saatlarından başlayaraq hərəkət iştirakçılarının təhlükəsizliyi üçün zəruri tədbirlər görülür, yolda qalan sürücülərə köməklik göstərilir, maarifləndirmə işi aparılır.
Baş Dövlət Yol Polisi İdarəsi əlverişsiz havanın davam edəcəyini nəzərə alaraq, bir daha sürücülərdən mümkün qədər şəxsi nəqliyyat vasitələrindən istifadə etməməyi, yola hazırlıqsız çıxmamağı, səfərlərini mümkün qədər günün işıqlı vaxtına planlaşdırmağı xahiş edir".
Yol polisinin xəbərdarlığında qeyd edilib ki, təchizatı kritik hava şərtlərinə cavab verməyən, xüsusilə şinləri normativ tələblərə uyğun gəlməyən avtomobillərin qarlı, buzlu yollarda istismarı digər sürücülər üçün əlavə çətinliklər yaradır:
"Bu da ağırlıq dərəcəsi yüksək olan yol-nəqliyyat hadisələrinə səbəb ola bilər".
DYP qarlı hava şəraiti ilə əlaqədar sürücülərə XƏBƏRDARLIQ ETDİ
DYP-dən sürücülərə hava şəraiti ilə bağlı XƏBƏRDARLIQ
DYP sürücülərə müraciət etdi
DYP-dən müraciət: bu gün axşamdan başlayaraq...
DYP bu şəxslərə xəbərdarlıq etdi