Azərbaycan Avtomobil Yolları Dövlət Agentliyinin (AAYDA) rəhbəri Saleh Məmmədova yeni müavin təyin edilib.
Sözügedən vəzifəyə Əli Hacıyev gətirilib.
44 yaşlı Əli Sabir oğlu Hacıyev Azərbaycan Dövlət Neft Akademiyasında bakalavr və magistr təhsili alıb.
O, daha əvvəl SOCAR-da, İqtisadiyyat Nazirliyində, "AzerGold"da çalışıb. Ötən ildən AAYDA-da İnvestisiya Baş İdarəsinin rəisi vəzifəsində çalışır.
Əli Hacıyev fevralın 4-də Saleh Məmmədovun müavini təyin edilib.
Qeyd edək ki, fevralın 4-də Prezident İlham Əliyev “Azərbaycan Avtomobil Yolları Dövlət Agentliyinin yaradılması haqqında” 18 oktyabr 2017-ci il tarixli və “Azərbaycan Avtomobil Yolları Dövlət Agentliyinin fəaliyyətinin təmin edilməsi haqqında” 19 dekabr 2017-ci il tarixli fərmanlarında dəyişiklik edib.
Fərmana əsasən, Agentliyin İdarə Heyətinin (İH) üzvlərinin sayı 3-dən 4-ə, o cümlədən Prezidentin vəzifəyə təyin və vəzifədən azad etdiyi İH sədrinin müavinlərini sayı 2-dən 3-ə çatdırılıb.
Prezident Saleh Məmmədovun bəzi səlahiyyətlərini LƏĞV ETDİ
Müdafiə sənayesi nazirinə yeni müavin TƏYİN OLUNDU - DOSYE
Ədliyyə Nazirliyində daha bir idarəyə rəis təyin edilib
Dövlət Dəniz və Liman Agentliyinə rəhbərliyi İdarə Heyəti həyata keçirəcək
Prezident Emin Əmrullayevə yeni müavin TƏYİN ETDİ