“Meta” şirkəti bu il süni intellekt sahəsinə 60-65 milyard dollar sərmayə qoyacaq.
Bu barədə şirkətin baş icraçı direktoru Mark Zukerberq sosial şəbəkədə məlumat paylaşıb.
O, 2025-ci ilin süni intellekt sahəsində həlledici il olacağını bildirib. M.Zukerberq əlavə edib ki, süni intellekt sahəsində çalışacaq qrupların sayı da əhəmiyyətli dərəcədə artacaq.
Şirkət rəhbərinin sözlərinə görə, 2025-ci ildə “Meta” süni intellekt sahəsində 1 milyarddan çox insana xidmət göstərəcək və “Llama 4” qabaqcıl müasir modelə çevriləcək.
Zukerberq bildirib ki, “Meta” bu ideyaları reallaşdırmaq üçün böyük, 2 gigavatlıq data mərkəzi qurur.
Xatırladaq ki, and içdikdən dərhal sonra ABŞ-ın yeni prezidenti Donald Tramp ölkədə süni intellekt infrastrukturunun qurulması üçün özəl sektora 500 milyard dollar investisiya yatırılacağını açıqlayıb.
Zukerberq sərvətinə görə Maskı geridə qoydu
Səhiyyədə ƏSL İNQİLAB: süni intellekt dərman hazırlayacaq
Mark Zukerberq döyüldü
Süni intellekt bəşəriyyəti məhv edə bilər? - Alimlərdən son QƏRAR
Süni intellekt can həkimimiz ola bilər