İnzibati Xətalar Məcəlləsində lisenziyalar və icazələr haqqında qanunvericiliyin pozulmasına görə tətbiq edilən cərimələrlə bağlı maddəyə daha bir bənd əlavə olunur.
Bununla bağlı məsələ bu gün Milli Məclisinin İqtisadi siyasət, sənaye və sahibkarlıq komitəsinin keçiriləcək iclasının gündəliyinə daxil edilərək Azərbaycan Respublikasının İnzibati Xətalar Məcəlləsinə təklif olunan dəyişiklikdə öz əksini tapıb.
Belə ki, əlavə edilməsi təklif edilən bəndə əsasən, lisenziya sahibinin lisenziyanın şərtlərinə riayət etməsinə nəzarət edən orqanlar tərəfindən "Lisenziyalar və icazələr haqqında" Azərbaycan Respublikası Qanununun 1 nömrəli əlavəsində nəzərdə tutulmuş fəaliyyət növlərinin həyata keçirilməsi zamanı lisenziyanın sahibi tərəfindən Azərbaycan Respublikası qanunlarının tələblərinə və lisenziyanın şərtlərinə riayət edilmədikdə və həmin Qanunun 25.1.2-ci maddəsində müəyyən edilən göstərişlər yerinə yetirilmədikdə lisenziyanın dayandırılması və ləğvi üçün lisenziya verən orqana əsaslandırılmış təqdimatın göndərilməməsinə görə vəzifəli şəxslər 1000 manatdan 1500 manatadək məbləğdə cərimə ediləcəklər.
Lisenziya və icazənin ləğv ediləcəyi daha bir hal müəyyənləşir
Bu şəxsləri 12 minədək cərimə gözləyir
Milli Məclisin sabahkı iclasının gündəliyi dəyişdi – SİYAHI
Milli Məclisin növbəti iclasının vaxtı və gündəliyi
Deputatlar bu gün 19 məsələ üçün toplaşır