Türkiyənin Bolu vilayətində dağ-xizək kurortunda oteldə baş verən yanğın nəticəsində ölənlərin sayı 76 nəfərə çatıb.
Bu barədə Türkiyənin daxili işlər naziri Əli Yerlikaya məlumat verib.
“Ölənlərdən 52-sinin şəxsiyyəti müəyyən edilib, 45-nin meyiti yaxınlarına təhvil verilib”, - nazir qeyd edib.
Onun sözlərinə görə, hadisə ilə bağlı aparılan istintaq çərçivəsində otel sahibi də daxil olmaqla 9 nəfər saxlanılıb.
Qeyd edək ki, yanğınla bağlı Türkiyədə birgünlük matəm elan edilib.
Yanvarın 21-nə keçən gecə Bolu vilayətində Kartalkaya xizək kurortunda yerləşən oteldə güclü yanğın baş verib. Binanın dağda yerləşməsi yanğınsöndürənlərin işini çətinləşdirib. İlkin məlumatlara görə, orada həyəcan siqnalı işləmədiyindən qonaqların son dəqiqəyə qədər yanğından xəbəri olmayıb, sonra isə artıq oradan çıxa bilməyiblər.
Türkiyə Prezidenti Rəcəb Tayyib Ərdoğan yanvarın 22-ni Bolu vilayətində dağ-xizək kurortunda həlak olanlara görə matəm günü elan edib.
Türkiyədə oteldə dəhşətli yanğın: 66 ölü, 51 yaralı - YENİLƏNDİ
Türkiyədə matəm elan edildi
Türkiyədə zəlzələdə ölənlərin sayı 9057 nəfərə çatıb - (YENİLƏNİB)
Yasa dönən toya görə 3 günlük matəm elan edildi
Türkiyədə zəlzələ qurbanlarının sayı 14 mini ÖTDÜ (YENİLƏNİB)