ABŞ Emənistana xüsusi sərhəd mühafizə qrupu göndərir

“Gələn ay, yaxın həftələrdə Gömrük və Sərhəd Mühafizəsi komandamız erməni həmkarları ilə sərhəd təhlükəsizliyi potensialının artırılması ilə bağlı işləmək üçün Ermənistana səfər edəcək”.

Bunu ABŞ-ın dövlət katibi Entoni Blinken Ermənistan və ABŞ arasında strateji tərəfdaşlıq xartiyasının imzalanması mərasimində bildirib.

O əlavə edib ki, “Qartal tərəfdaşı” formatı çərçivəsində əməkdaşlıq da davam edəcək.

"Qısa müddət ərzində biz gözəl tərəfdaşlıq münasibətləri çərçivəsində böyük və səmərəli iş apardıq. Beləliklə, biz Ermənistan-ABŞ münasibətlərində mühüm təməl nailiyyəti qeyd edə bilirik, strateji tərəfdaşlıq komissiyası yaradırıq", - deyə o bildirib.

Blinkenin sözlərinə görə, komissiya bir sıra mühüm sahələrdə ikitərəfli əməkdaşlığın genişləndirilməsi üçün çərçivə təqdim edir: müdafiə və təhlükəsizlik, iqtisadi, demokratiya və ədalət, inklüzivlik və şəxsiyyətlərarası münasibətlər.

Dövlət katibi Ermənistan-Amerika iqtisadi və enerji əməkdaşlığından danışarkən deyib:

“Hazırda biz danışıqları sülhməramlı nüvə təhlükəsizliyi və atom enerjisi sahəsinə keçiririk”.

ABŞ dövlət katibi Ermənistanın “İslam Dövlətini məğlub etmək üçün qlobal koalisiya"ya qoşulduğunu da açıqlayıb.