"Kapital Bank" "BakıKart" ödənişləri zamanı istifadə edilən biletlərə görə geri qaytarılan məbləğlərlə bağlı məsələyə aydınlıq gətirib.
Açıqlamada deyilir:
"Bildiyiniz kimi, Bakı və Abşeron ərazisində metro və avtobuslardan istifadə edən sərnişinlər gedişhaqlarını fiziki kart olmadan asanlıqla ödəyə bilirlər. Bunun üçün "Birbank" mobil tətbiqində QR bilet yaratmaq kifayətdir. Bilet yaradıldığı andan etibarən 1 dəqiqə ərzində istifadə edilə bilər. İstifadə edilməyən biletlərə görə ödənilən məbləğ 3-30 gün ərzində müştərinin hesabına geri qaytarılır.
Noyabr ayında isə texniki xəta səbəbindən müştərilərin "BakıKart" QR biletləri üzrə istifadə etmədikləri biletlərlə yanaşı, istifadə etdikləri biletlərin ödənişləri də onların hesablarına geri qaytarılıb.
Bu səbəbdən də bank tərəfindən müştərilərə bildiriş göndərilərək məlumat verilib ki, istifadə edilən biletlərə görə 29 noyabr - 4 dekabr tarixləri aralığında onların hesablarına qaytarılan vəsait 10 yanvar tarixinədək müvafiq kart balansından çıxılacaq.
Bu mövzuda sualları olan müştərilər "Birbank" mobil tətbiqində 29 noyabr - 4 dekabr tarixlərini əhatə edən əməliyyat tarixçələrinə baxaraq hesablarını yoxlaya və ya 196 "Sorğu mərkəzi" ilə əlaqə saxlaya bilərlər".
Avtobuslarda ödənişlə bağlı - Yenilik
“Bakı Metropoliteni”ndə yeni ödəniş üsulunun tətbiqinə başlanılır
"Bakıkart" tətbiqi nə zaman işləyəcək? - "Bank kartları ilə..."
“BakıKart” mobil tətbiqi bu gündən fəaliyyətə başlayır
Dəmiryolu sərnişinləri ödədikləri vəsaitin nə qədərini geri alacaq? - DETALLAR