Rusiyanın Suriyadan yavaş-yavaş çəkildiyi iddialarına cavab olaraq “The Economist” Moskva ilə “Heyət Təhrir əş-Şam" (HTŞ) arasında danışıqların artıq başladığını açıqlayıb. Suriyanın yeni liderlərinin çətin qərarlar qarşısında qaldığını iddia edən qəzet, Moskvanın Tartus limanına və Hmeymim hava bazasına çıxışı davam etdirməsi müqabilində Suriyaya humanitar dəstək vəd etdiyini yazıb.
Nəşr Suriyanın yeni liderləri ilə Kreml arasında gizli danışıqların baş tutduğunu qeyd edib.
HTŞ mənbəsi iddia edib ki, yeni administrasiya Rusiyaya bazalarının bir qismini və ya hamısını saxlamağa icazə verəcək. Çox güman ki, Tartus limanının icarəsi davam edəcək. HTŞ həmçinin Əsədin ekstradisiyasının çətin olduğunu etiraf edib. Qəzetə danışan mənbə “Qırmızı xətlər yoxdur” deyərək danışıqların ideologiyaya deyil, maraqlara əsaslandığını vurğulayıb.
Rusiya Tartus limanına və Hmeymim hava bazasına çıxışın davam etdirilməsi müqabilində Suriyaya humanitar dəstək vəd edib, lakin yeni administrasiya bunun kifayət etməyəcəyini deyir. Çünki onlar Rusiya ilə diplomatik və iqtisadi əlaqələr qurmaq istəyirlər.
“The Economist” onu da bildirib ki, suriyalılar arasında geniş yayılmış nifrətə baxmayaraq, HTŞ Rusiyadan qisas almaq niyyətində görünmür.
Rus bazaları boşaldılır: Gizli danışıqlarda hansı razılaşma əldə edilib?
Türkiyə yeni “cəbhədə”: Suriyada hansı yeni dövlətlər yaranır?
Suriyada bundan sonra nə olacaq? - 3 mümkün ssenari
Kreml gizli şəkildə "Putinin xələfləri"ni müzakirə edib - KİV
Türkiyə bir gedişlə Suriyada vəziyyəti dəyişdi - İran nədən qorxur?