Ukrayna münaqişəsi necə bitəcək? - Pentaqon rəhbəri AÇIQLADI

"Ukrayna münaqişəsi danışıqlar masası arxasında həll olunacaq".

Bu fikri ABŞ-ın müdafiə naziri Lloyd Ostin Avstraliyanın Darvin şəhərində keçirdiyi mətbuat konfransında bildirib.

Pentaqon rəhbəri avstraliyalı və yaponiyalı həmkarları ilə görüşündən sonra deyib: "Mən inanıram və bunu əvvəllər də demişəm ki, son nəticədə danışıqlar yolu ilə həll olunacaq".

Ostin əlavə edib ki, Kiyevi dəstəkləyən tərəfdaşlar indi əmin olmaq istəyirlər ki, gələcəkdə münaqişənin nəticəsi nə olursa olsun, Ukrayna öz maraqlarını qorumaq üçün ən yaxşı vəziyyətdədir.