Noyabrın 20-də COP29 çərçivəsində “Dayanıqlı, rəqəmsal Orta Dəhliz və onun hüdudlarından kənar” mövzusunda nazirlərin dəyirmi masası keçiriləcək.
Tədbirin məqsədi ölkələri Orta Dəhliz və digər beynəlxalq nəqliyyat marşrutlarının rəqəmsallaşdırılmasına təşviq etməkdir.
Tədbirdə yaşıl, dayanıqlı nəqliyyat infrastrukturunun inkişafı ilə bağlı uğurlu təcrübələr, innovativ texnologiyaların yükdaşımalarda karbon qazı emissiyasının azaldılmasında rolu, həmçinin enerji səmərəliliyinin artırılması və əməliyyat əlaqəsinin yaxşılaşdırılması üçün rəqəmsallaşmadan, intellektual nəqliyyat sistemlərindən istifadə örnəkləri müzakirə olunacaq.
Müzakirələr arasında dayanıqlı nəqliyyat əlaqələrinin təmin edilməsində avtomatlaşdırma və süni zəkanın potensial rolu, nəqliyyat dəhlizlərinin rəqəmsallaşmaya keçidinin işçi qüvvəsinə təsiri, insan resurslarının inkişafı və yaşıl iş yerlərinin yaradılması imkanları, həmçinin Çoxtərəfli İnkişaf Banklarının dayanıqlı və rəqəmsal nəqliyyat dəhlizlərinin inkişafında rolu barədə mövzular da var.
Tədbirin sonunda regionda dayanıqlı inkişaf və rəqəmsal transformasiya ilə bağlı irəliləyişə nail olmaq üçün kollektiv öhdəliyi əks etdirən kommunike qəbul olunması nəzərdə tutulur.
Azərbaycan Beynəlxalq Nəqliyyat Forumunun Sammitində iştirak edib
Şuşa Bəyannaməsində Zəngəzur dəhlizi ilə bağlı MÜDDƏA
COP29-dan sonra məktəb və universitetlərdə... - Əmrullayev açıqladı
“ASAN xidmət” mərkəzlərində alternativ enerjidən istifadə olunacaq
Türk Dövlətləri Təşkilatına üzv ölkələrin Logistika Forumu keçiriləcək