Ermənistan Baş naziri Nikol Paşinyan Kazanda BRICS sammitində Azərbaycan Prezidenti İlham Əliyevlə görüşünü çox əhəmiyyətli adlandırıb.
Paşinyan bunu "hökumət saatı" çərçivəsində danışarkən bildirib.
O, BRICS sammitində iştirakı çox vacib və səmərəli hesab etdiyini deyib.
"Azərbaycan Prezidenti ilə əvvəlcə şəxsən, sonra isə geniş tərkibdə görüşdən məmnunluğumu ifadə etmək istəyirəm. Qeyd etməliyəm ki, aramızda belə uzun söhbət çoxdan və ya heç vaxt olmayıb. Çox vacib söhbət baş tutdu", - deyə baş nazir bildirib.
Onun sözlərinə görə, Ermənistan və Azərbaycanın sülh şəraitində yaşaması üçün təkcə sülh sazişinə və ya digər sazişlərə deyil, qarşıdakı əsrlərdə hansı modellər çərçivəsində müstəqil ölkələr kimi yanaşı yaşamağa hazırlıq barədə strateji sövdələşməyə ehtiyac var.
Paşinyan Rusiyada İlham Əliyevlə görüşəcək?
"Sülhün bərqərar olması xalqımızın arzusudur" - Paşinyan
Əliyevlə Paşinyan bu mövzuları müzakirə edəcək
"İlham Əliyev və Paşinyan mütləq görüşməlidir" - ABŞ
Paşinyan ABŞ-nin Ermənistana dəstəyini vacib hesab edir