"GÖBƏLƏKLİ BƏLA" - Bədənin toxumalarını yoluxdura bilər

Bir yoluxucu patogen qan dövranına daxil olduqda, bu, sistemli infeksiyası adlanır.

Çinin Fudan Universitetinin alimləri ilk dəfə olaraq az tanınan Sporopachydermia lactativora göbələyinin yaratdığı sistem infeksiyası halını qeydə alıblar,

Sistemli mantar infeksiyaları nadirdir və adətən xəstəxanaya yerləşdirilən immun çatışmazlığı olan xəstələrə təsir göstərir. Çox vaxt infeksiyalara Saccharomyces, Candida və Pityrosporum siniflərinin maya göbələkləri səbəb olur.

Yeni bir araşdırmada həkimlər Sporopachydermia lactativoranın (sinfi Saccharomyces) səbəb olduğu sistemli infeksiya hadisəsi barədə məlumat veriblər. Əvvəllər onlar Arktika dəniz suyundan, camış nəcisindən və membran filtrlərindən təcrid olunmuşdular. Ancaq xəstəxanalarda onlar olduqca nadirdir. Əvvəllər bu göbələklə yalnız bir yoluxma halı məlum idi.

Ağır bədxassəli qan xəstəliyi olan 37 yaşlı qadında sistemli infeksiya aşkar edilib. Kimyaterapiya seansından bir neçə gün sonra qızdırması yüksəlib. Qanda Sporopachydermia lactativora göbələyi aşkar edilib. O, üç günlük müalicədən sonra infeksiyadan sağalıb.

Müəyyən edilmiş göbələk bədənin müxtəlif toxumalarını yoluxdura bilər və virulentlik baxımından təhlükəli Candida auris göbələyi ilə müqayisə edilə bilər. Ola bilsin ki, qadını yoluxduran göbələk insanların fürsətçi patogeninə çevrilsin, yəni immun sistemi zəiflədikdə infeksiyalara səbəb olsun. Buna görə də xəstəxana şəraitində buna məhəl qoyulmamalıdır.