Cari ilin 3-cü rübü ərzində ümumölkə yerüstü televiziya kanallarında yayımlanmış proqramların janr üzrə statistikası açıqlanıb.
Bu barədə Audiovizual Şuranın yaydığı məlumatda qeyd edilib.
Bildirilib ki, Azərbaycan Respublikası Audiovizual Şurası aparatının Audiovizual proqramların monitorinqi və təhlili şöbəsi tərəfindən 2024-cü ilin üçüncü rübü ərzində (iyul, avqust və sentyabr aylarında) ümumölkə yerüstü televiziya kanallarında yayımlanmış proqramların məzmun-janr statistikası hazırlanıb.
Statistikaya əsasən, ümumi olaraq açıq ümumölkə yerüstü televiziya yayımında son üç ay ərzində efirdə olmuş proqramların 21.1%-ni informasiya və analitik proqramlar təşkil edib. Sıralamada daha sonra idman proqramları (16.5%), reklam məzmunlu materiallar (ümumi 15.4%), bədii film və seriallar (ümumi 15.1%) yer tutur. Mədəni-maarif janrlı proqramların (maarifləndirici, publisistik, tarixi-mədəni və sair materiallar) payı bütün kanallar üzrə ümumi olaraq 8.7% olub.
Hər bir televiziya kanalı üzrə statistika ilə əlavə olunmuş slaydlarda tanış olmaq olar.
Audiovizual Şura televiziya kanallarına xəbərdarlıq etdi
Azərbaycan telekanalları sabahdan yeni TV standartına keçir
Audiovizual Şura bu barədə televiziya kanallarına xəbərdarlıq etdi
Space TV-nin yayımı söyüşə görə 3 saatlıq dayandırılacaq
Bəzi telekanallarda “Reklam haqqında Qanun”un tələbləri pozulub