Türkiyədə terror təşkilatı kimi tanınan Kürdüstan Fəhlə Partiyası (KKK/PKK) oktyabrın 23-də Ankarada törədilən terror aktına görə məsuliyyəti öz üzərinə götürüb.
Bu barədə “Sözcü” telekanalı PKK-nın bəyanatına istinadən məlumat yayıb.
Açıqlamada bildirilir ki, hücumu PKK-nın hərbi qanadı sayılan “Ölümsüz Batalyon” silahlıları həyata keçirib.
Həmçinin ehtimal edilir ki, terror aktı çoxdan planlaşdırılıb və Türkiyənin daxili siyasi hadisələri, xüsusən də kürd məsələsinin müsbət həlli, hakimiyyətin təşəbbüsləri ilə bağlı deyil.
Eyni zamanda, Türkiyə prezidenti Rəcəb Tayyib Ərdoğan Kazandan qayıdarkən təyyarədə jurnalistlərə bildirib ki, Ankarada TUSAŞ müəssisəsində törədilən terror aktı zamanı Suriya izinə rast gəlinib.
"Bu terror hücumunun Suriyadan sızaraq həyata keçirildiyini öyrəndik”, - deyə Ərdoğan vurğulayıb.
O əlavə edib ki, gecə ərzində 40 müxtəlif yerdə antiterror əməliyyatları keçirilib: “Terrorçular əməllərinə görə cəzalandırıldılar”.
Qeyd edək ki, Ankarada törədilən terror aktı nəticəsində 5 nəfər ölüb, 22 nəfər yaralanıb.
Ərdoğan Rusiyadakı terrordan DANIŞDI
SON DƏQİQƏ: PKK-nın xüsusi təyinatlıları Qarabağa yerləşdirilir
Türk ordusu İraqda yeni antiterror əməliyyatına başladı
"ABŞ-la müttəfiqlik mübahisəlidir" - Süleyman Soylu
Türkiyədə 28 ildir axtarılan terrorçular təslim oldu