40-dan çox iqlimşünas alim şimal ölkələrinin nazirlərini qlobal istiləşmənin qarşısını almağa çağırır. Onların fikrincə, qlobal istiləşmə Atlantik okeanının axınlarında böyük dəyişikliklərə səbəb ola bilər. Bu da öz növbəsində hava növlərində dramatik dəyişikliklərə və ekosistemlərə zərər verəcək.
Bu barədə məlumatı "Reuters" yayıb.
Alimlərin fikrincə, Şimali Atlantikaya isti sular daşıyan və Avropanı mülayim iqlimlə təmin edən okean cərəyanları sistemi olan Atlantik Meridional Sirkulyasiyasının pozulması Arktikada və ondan kənarda insanların həyat şəraitini təhdid edə bilər.
Alimlərin Şimal ölkələri Nazirlər Şurasına göndərdikləri məktubda deyilir: "Okean dövriyyəsindəki belə bir dəyişiklik, xüsusilə Şimal ölkələri, həm də dünyanın digər bölgələri üçün dağıdıcı və geridönməz nəticələrə səbəb ola bilər".
Məktubda istixana qazlarının emissiyalarının qlobal şəkildə azaldılmasına çağırış da daxil ola biləcək şuranın fəaliyyət göstərməsi tələb olunur.
Bir sıra tədqiqatlar Atlantik cərəyanında dəyişiklik riskinin çox aşağı qiymətləndirildiyini göstərib. Alimlərin fikrincə, yaxın bir neçə onillikdə bir dönmə nöqtəsini keçmək üçün ciddi bir ehtimal var.
“Əgər Britaniya və İrlandiya Şimali Norveç kimi olarsa, bunun böyük nəticələri olacaq. Biz belə nəticəyə gəldik ki, bunun ehtimalı o qədər də kiçik deyil”, – məktubu imzalayan Kopenhagen Universitetinin professoru Peter Ditlevsen bildirib.
Mütəxəssislərin fikrincə, okean cərəyanı sisteminin məhv edilməsi Şimal yarımkürəsinin soyumasına, Atlantik okeanının səviyyəsinin yüksəlməsinə, Avropa və Şimali Amerikada yağıntıların azalmasına, Cənubi Amerika və Afrikada mussonların dəyişməsinə səbəb olacaq.
Dünyanın ən böyük cərəyanlarından birində nəzərəçarpacaq DƏYİŞİKLİK
Yenidən buz dövru başlayacaq?
Okeanlardakı proseslərin qorxunc fəsadı üzə çıxdı
ABŞ-da qorxulu xəbərdarlıq: Nəhəng körpülər oyuncaq evlər kimi dağılacaq
Yeni virus pandemiyaya səbəb ola bilər - TƏHLÜKƏ